Ino dwa manszafty momy ze Ślonska w piyrszyj lidze, ze Opola i ze Zabrza. Je jeszcze trzecio, baby z Chorzowa, ale one grajom w inkszyj lidze. Zabrze szpil gro dzisiej na wieczor, a wczoraj piyrszy mecz zagrała Gwardia Opole, wtoro na rok sleciała do drugiyj ligi, a tera zaś je nazod we ekstraklasie.

Opolanie nie byli swego pewni, przez dugi czas przegrywali, i to doś wysoko, do przerwy nawet 7-12. Po przerwie tyż nie boło nojlepiyj, ale w ostatnich 20 minutach cosik we Gwardii sie zmiynioło i Opole zaczło gonić wynik. Może wtedy jeszcze mało wto w to wierzoł, ale Gwardia minuta po minucie odrabiała straty i przed samym końcem doprowadzioła do rymisu 22-22. Rymis tyn udało się utrzimać, oba manszafty szczeloły jeszcze po jednym torze i Gwardia swój piyrszy mecz zrymisowała.