We krapkowickiyj bundeslidze do awansu ostały się ino dwie drużyny: Racławiczki i Krympna. Chyba, że wtoroś po drodze zesłabnie, abo jako inkszo jeszcze dojdzie te dwie. Na razie oprócz tyj dwójki nie widać inkszych konkuryntów. Racławiczki wygrały swój szpil 5-0, zaś Krympna, coby nie być gorszo, wygrała 6-1. To tak jak kiedyś w I lidze Legia sie ścigała na bramki z ŁKS-ym, ale tam poszło o piyniondze i majstra dostoł Lech, a tukej zaś żodyn za mecze nie zapłacioł, ale masjtra idzie jak nojbardziyj.

Żywocice zrymisowały w Dobryj i to je trocha iberaszung, ale punkty stracioła tyż Chorula po rymisie z Kujawami. Prowadzoncyj dwójce takie wyniki pasujom, bo ich przewaga je coroz wiynkszo, no i coroz wiynkszy szpas, a nojciekawiyj bydzie wtedy, jak łobie drużyny zagrajom ze sobom i może być tak, że wto wygro, tyn dostanie awans.