Po 9-ciu ligowych kolejkach możemy już z całą pewnością powiedzieć, że najpoważniejszym kandydatem do wygrania ligi jest Polonia Bytom. Drużyna po spadku z III ligi wreszcie znalazła punkt oparcia i mocno się od niego odbija. Bytomianie mają jeden jeszcze mecz zaległy, a i tak odstają już wyraźnie w tabeli i wyprzedzają Skrę o 6 punktów. A to znaczy niy mniyj, nie wiyncyj ino to, że na Polonia w tym sezonie niy ma bata i jyj pobyt w czwortyj lidze moge sie skończyć po jednym ino roku.

Polonia w łostatniyj kolyjce wygrała 4-0 we Czańcu i ani przez momynt żodyn nie pomyśloł, coby Czaniec mog w tym meczu urwać jakiś punkt. Polonia we wszystkich meczach stracioła ino sztyry gole i Czaniec na lista tych, co im sie to udało, wpisać sie nie może.

Poza Bytomiem jak na razie dugo dugo nic, a potym aż 6 zespołów, co majom 16 punktów. W tym gronie tyż można szukać kandydatów do mistrzostwa, ino że pod warunkiem, coby nie boło Bytomia. Skra Czynstochowa wygrała leko we Czarnowonsach 5-2, ale żodyn sie nie spodzioł, że pójdzie aż tak łatwo. Swornica miała tyla samo punktów co Skra i jakby wynik boł na odwrót, to Swornica mogła być na szpicy. A tak jest dopiyro dwanosto. Cołko tabela je jednak blank plaskato i różnica miyndzy dwanostom a drugo drużynom je ino 3 punkty, a to je przecie choby nic.

Trzeci w tabeli je Górnik Zabrze, kiery wygroł we Rudzie ze Grunwaldym i je nojlepszom drużynom rezerwowom w tyj lidze. Za Górnikiem momy Odra Opole, wtoro bardzo chce nazod awansować do III ligi, ale z takimi wynikami, jak do tyj pory, to bydzie jyj cołkiym trudno - no bo nie idzie przegrać we Jastrzymbiu z beniaminkiem, ktorymu barzyj idzie o to coby nie slecieć, niźli zrobić awans.

Coroz lepiyj zaczyno grać Stal Bielsko. Zaczli liga źle, ale terozki pnom sie do góry. We derbowym szpilu z Podbeskidziym wygrali 3-1 i som już w szpicy. W Bytomiu to musi w tym sezonie cosik być, bo jak Szombierki sie napatrzały, jak Polonii idzie, to postanowioły, że nie bydom gorsze no i efekty już momy: 5-2 we Wesołej i punkt straty do wicelidera. Cołkiym nieźle.

Źle za to dzieje sie w manszaftach z opolsikygo. Te kluby zawsze miały ciynżko w tyj lidze i nie inaczyj je teraz. Malapana Łozimek i Skalnik Gracze zrymisowały ze sobom i sleciały na dwa łostatnie miejsca. Punktów mjom tyż tyla, co kot napłakoł, no i dlo kibiców niy ma s kuli tego wesoło. Jak sie zarozki nie dadzom do roboty, to za miesionc może już być pozamiatane. Słano tyż sie wiedzie zapasowym manszaftom Podbeskidzia, Piasta i Ruchu. W zeszłym sezonie szło im lepiyj, tera abo odpuścioły, abo nie dowajom rady. Prowda je tako, że tyż punktów nie majom za wiela i nie slecieć bydzie im ciynżko.